Image default
ЎЗБЕКИСТОН

Дубай шаҳзодаси бир ой ичида иккинчи марта Ўзбекистонга келди

Дубай амирлигининг тахти вориси Шайх Ҳамдан бин Муҳаммад Ол Мактум октябрь ойида икки марта Ўзбекистонда бўлди.

Telegram’даги AviaSpotter каналининг маълумот беришича, Дубай ҳукуматига хизмат кўрсатувчи «Dubai Royal Air Wing» самолёти 31 октябрь, куннинг биринчи ярмида Тошкентга қўнган.

Шайх Ҳамданнинг Instagram’га юклаган суратларига кўра, у «Tashkent City» ҳудудидаги «Hilton» меҳмонхонасига жойлашиб, пайшанба куни Тошкент шаҳар ҳокими Жаҳонгир Ортиқхўжаев билан учрашган. Шаҳзода, шунингдек, Ўзбекистон президенти Шавкат Мирзиёев оиласи вакилларининг ҳам меҳмони бўлган.

Дубай тахти вориси октябрь ойи ўрталарида ҳам Ўзбекистонда бўлиб, Навоий шаҳридан қарийб 50 километр узоқликдаги чўл ҳудудида лочинлар билан ов қилган эди.Фото: Дубай амирининг ўғли Ўзбекистондаги лочин ови фотосуратларини эълон қилди

Бу ҳудудда 300 гектар майдонни эгаллаган «Амирликларнинг йўрға тувалоқни асраш маркази» (АЙТАМ) жойлашган.

Ушбу марказ БАА вице-президенти – Дубай амирлигининг ҳокими Шайх Муҳаммад бин Рошид Ол Мактум ташаббуси билан 2008 йилда ташкил этилган.Фото: Амирликларнинг йўрға тувалоқни асраш маркази. Қизилқум чўлидаги мўъжизавий масканга саёҳат

Ўзбекистонда лочинлар билан ов қилиш мавсуми сентябрь-октябрь ойларида бўлади, шу вақт давомида тувалоқлар ёввойи табиатга учирилади. 2012 йилдан буён Навоийдаги марказ томонидан табиатга 10 мингга яқин йўрға тувалоқ ёввойи табиатга учирилган.

Маълумот учун, Ҳамдан ибн Муҳаммад Ол Мактум – Дубай амири Муҳаммад ибн Рошид Ол Мактумнинг ўғли, Дубай амирлигининг меросхўр шаҳзодаси, 1982 йилда туғилган. У жуда фаол ҳаёт кечириши билан машҳур. Унинг қизиқишлари доираси кенглиги ҳаммани ҳайратга солади. Шаҳзода парашютдан сакраш, сув остига шўнғиш, балиқ ови, лочин ови, сноубординг, велоспорт ва спортнинг кўплаб бошқа турларига қизиқади. «Фазза» тахаллуси билан шеърлар ҳам ёзади.

Похожие сообщения

Акушерлик ва гинекология илмий-амалий тиббиёт марказига 6 млрд сўмлик бюджет ссудаси ажратилади

user_03

Партия етакчилари сайловлар бўйича хулосаларини билдиришди

user_03

Божхона орқали олиб ўтиладиган товарлар мақсадини аниқлаш тартиби маълум қилинди

user_03

Оставить комментарий